22:10 Թամամյանի գործով կալանավորված նախկին փոխոստիկանապետի կալանքի ժամկետը եւս երկու ամսով երկարաձգվել է | |
Երեւանում այսօր` հունիսի 8-ին Կենտրոն-Նորք-Մարաշ վարչական շրջանների ընդհանուր իրավասության դատարանից «Երեւան կենտրոն» ՔԿՀ է տեղափոխվել ոստիկանության Արաբկիրի բաժնի օպեր գծով նախկին տեղակալ Արմեն Պողոսյանը: Ինչպես դատարանից NEWS.am-ին հայտնում է ֆոտոլրագրող Գագիկ Շամշյանը, Արմեն Պողոսյանը մեղադրվում է Հովհաննես Թամամյանի նկատմամբ հարուցված քրեական գործի շրջանակներում: Դատական նիստի ժամանակ Ա. Պողոսյանի փաստաբանը բացարկ է հայտնել դատավոր Մնացական Մարտիրոսյանին: Խորհրդակցական սենյակից վերադառնալուց հետո, այդ միջնորդությունը բավարարվել է, որից հետո դատարանի նախագահ Ռուբեն Վարդազարյանի որոշմամբ, դատական նիստը վարել է նույն դատարանի դատավոր Գայանե Կարախանյանը: Երեք ժամ տեւած դատական նիստից հետո դատավոր Գայանե Կարախանյանը բավարարել է Հատուկ քննչական ծառայության քննիչի միջնորդությունը եւ եւս երկու ամսով երկարաձգել Ա. Պողոսյանի խափանման միջոց կալանքը: Ավելի վաղ NEWS.am-ը հայտնել էր, որ Արմեն Պողոսյանը կասկածվում է քրեական հետախուզության գլխավոր վարչության նախկին պետ Հովհաննես Թամամյանի դեմ հարուցված քրգործի շրջանակներում: Նշենք, որ Հովհաննես Թամամյանը մեղադրվում է Քրեական օրենսգրքի 308 հոդվածի 2-րդ մասով (Պաշտոնեական լիազորությունները չարաշահելը, որն առաջացրել է ծանր հետեւանքներ): Կենտրոն եւ Նորք-Մարաշ վարչական շրջանների ընդհանուր իրավասության դատարանը Թամամյանի նկատմամբ երկամսյա կալանքի որոշում էր կայացրել: Հայաստանի ոստիկանապետ Ալիկ Սարգսյանը փետրվարի 24-ին Հովհաննես Թամամյանին եւ ոստիկանության Արաբկիրի բաժնի պետ Վարուժան Ադամյանին ազատել էր աշխատանքից գլխավոր դատախազի միջնորդության հիման վրա՝ «հետագա պաշտոնավարման աննպատակահարմարության» հիմնավորմամբ: Մամուլի տեղեկությունների համաձայն, նրանց աշխատանքից ազատել են կոնկրետ ինչ-որ քրեական գործի շրջանակներում ոչ օբյեկտիվ քննություն իրականացնելու համար: www.news.am | |
|
Всего комментариев: 0 | |
Հայաստանի պատմության միջազգային իրավական ակնարկ |
ԴԱՏԱՐԱՆՈՒՄ ՄԵՂԱԴՐԱՆՔԸ ՓՈՓՈԽԵԼՈՒ և ԳՈՐԾԸ ԼՐԱՑՈՒՑԻՉ ՆԱԽԱՔՆՆՈՒԹՅԱՆ ՈՒՂԱՐԿԵԼՈՒ ԻՆՍՏԻՏՈՒՏՆԵՐԻ ՀԱՐԱԲԵՐԱԿՑՈՒԹՅՈՒՆԸ |
ՄԱՐԴՈՒ ԻՐԱՎՈՒՆՔՆԵՐԻ ՀԱՄԸՆԴՀԱՆՈՒՐ ՀՌՉԱԿԱԳԻՐ |
Աշխատանքային իրավական վեճերի վերաբերյալ ՀՀ դատարանների կողմից կայացված որոշումների խնդրահարույց բնույթը |