Սյունիքի մարզի Արծվանիկ գյուղի բնակիչ 83-ամյա Աշոտ Եփրեմի Օհանջանյանը որսորդական հրացանից կրակել է ոստիկանության Կապանի բաժնի պետ Արմեն Գևորգյանի աշխատասենյակի պատուհանին։ Դեպքը տեղի է ունեցել մարտի 30-ին, ժամը 10.30-ի սահմաններում:

Այդ պահին Կապանի ոստիկանապետը խորհրդակցություն էր անցկացնում։ Տուժողներ չկան։ Գնդակն անցել է ղեկավարի հանգստի սենյակի պատուհանով։

Սյունիքի քննչական բաժնից հայտնեցին, որ Աշոտ Օհանջանյանը ներկայումս գտնվում է Սյունիքի մարզային նյարդաբուժարանում, չնայած նախկինում դիսպանսերում հաշվառված չի եղել:

Դեպքի առթիվ կատարվում է նախաքննություն։

www.a1plus.am