«Առաջին լրատվական»-ին հայտնի դարձավ, որ ՀՀ ոստիկանության Թմրամիջոցների ապօրինի շրջանառության դեմ պայքարի վարչության աշխատակիցներին օրերս հաջողվել է հայտնաբերել և կալանավորել թմրամիջոցներ օգտագործողների և վաճառողների մեծ խումբ։ 

Ըստ հավաստի տեղեկությունների՝ ձերբակալվածների մեջ է վերջին տասը տարվա ընթացքում թմրադեղերի ամենամեծ խմբաքանակն ու տեսականին Հայաստան ներկրող Վաչագան Ազիզյանը` Գնդի Վաչոն, որը վերջին յոթ տարիներին գրեթե անձեռնմխելի է եղել` վայելելով մի շարք պաշտոնյաների հովանավորությունը։