Главная » » ՑՄԱՀՆԵՐԸ ՀԱՑԱԴՈՒԼ ԵՆ ՍԿՍԵԼ

12:29 ՑՄԱՀՆԵՐԸ ՀԱՑԱԴՈՒԼ ԵՆ ՍԿՍԵԼ
Նուբարաշեն քրեակատարողական հիմնարկում երեկվանից հացադուլ են սկսել ցմահ ազատազրկման դատապարտված շուրջ յոթ տասնյակ կալանավորներ, որոնք պահվում են ավելի քան 15 խցերում: Նրանց բողոքն ուղղված է կենսապայմանների վատթարացման, ռեժիմի անհարկի խստացման դեմ: Նշենք, որ մամուլում արդեն եղել են տեղեկություններ ցմահների խցերում կրկնակի ճաղավանդակներ տեղադրելու մասին: Ցմահ ազատազրկման դատապարտվածները պահանջում են բանտային պայմանների համապատասխանեցում Եվրոպայի խորհրդի խոշտանգումների կոմիտեի կողմից ներկայացված պահանջների հետ: Նրանք ասում են, որ խստացումներն ու կենսապայմանների վատթարացումն արվում է բարելավման քողի ներքո: [ ?]Բացի կենսապայմանների բարելավման պահանջից, Նուբարաշենում պահվող ցմահ դատապարտյալները բողոքում են նաև այն հանգամանքից, որ իրենց գրավոր բողոքները տեղ չեն հասնում հասցատերերին: "Կալանավայրերի վարչությունից այն կողմ մեր դիմումները չեն գնում”, պնդում են ցմահ ազատազրկման դատապարտվածները: Մեր ունեցած տեղեկություններով, ՔԿՀ վարչությունն ու Նուբարաշենի ղեկավարությունը չեն ընդունել հայտարարված հացադուլի իրողությունը: Սակայն Արդարադատության նախարարության ՔԿՀ-ներում հասարակական դիտորդական խմբի ղեկավար Արթուր Սաքունցը հաստատեց ցմահ դատապարտվածների հացադուլ սկսելու փաստը: Նա փոխանցեց նաեւ, որ արդեն իսկ երեկ այցելել են հացադուլ հայտարարածներին եւ պատրաստվում են հրատապ հաշվետվություն ներկայացնել արդարադատության նախարարին: ԺԱՆՆԱ ԱԼԵՔՍԱՆՅԱՆ www.lragir.am
1 2 3 4 5 Просмотров: 386 \| Добавил: norikyan \| Рейтинг: 0.0/0