Օրեր առաջ «Հրապարակը» նկարագրել էր Գավառ
քաղաքում տեղի ունեցած մի հանցագործություն` հարզենի կիրառմամբ եւ ծանր
մարմնական վնասվածքով, ինչի արդյունքում հանցագործներին հովանավորել են եւ
գործը փակել: Դա, ըստ «Հրապարակի» տեղեկությունների, կատարել է Գավառի
ոստիկանապետ Մանվել Շահինյանը` ոստիկանության քրեական հետախուզության
վարչության պետ Հովիկ Թամամյանի համաձայնությամբ:
[ ?]«Մեր հրապարակումից հետո ոստիկանության կոլեգիայում ելույթ ունենալով`
Սերժ Սարգսյանն անդրադարձել էր այս միջադեպին` իր վրդովմունքը հայտնելով,
որ ոմանց հովանավորությամբ գործեր են փակվել: Մենք տեղեկացանք, որ անձամբ
ՀՀ նախագահի հրահանգով բարձրացրել են այս գործը եւ վերսկսել վարույթը:
Երեկ իմացանք, որ Թամամյանի պաշտոնաթողությունից հետո անհետացած
հանցագործը` Արամ Մարտիրոսյանն եւ իր եղբայրը, որ մտավախություն ունեին,
թե գործը կվերսկսեն, ձերբակալվել են: Ավելին` նրանք բերդից «քսիֆ» են
ուղարկել Գավառի ոստիկանապետին` պահանջելով, որ վերադարձնի այն 300 հազար
դոլարը, որն իրենք վճարել են գործը փակելու համար: Սակայն գումարը, ըստ
մեզ հասած տեղեկությունների, մի քանի տեղ է բաժանվել: Ըստ նախնական
տվյալների` ոստիկանության եւ դատախազության մի խումբ պատասխանատուների
միջեւ: Ի դեպ,մ Հովիկ Թամամյանին հրավիրել են ՀՔԾ` հարցաքննության: Նրան
առայժմ մեղադրանք չի առաջադրվել, սակայն քննիչների վերաբերմունքից դժվար
չէ կռահել, որ այդ վտանգը միանգամայն ռեալ է»,-գրում է թերթը:
www.hraparak.am
